Dr Trump sait zum Obama

Video

Trump lädt Obama und Frau zu einer

Abschiedsreise ein!

Dr Trump sait zum Obama,

kumm und legt di warm a,

mir fliege zum Pilzverein nach Laufe,

dört kasch denne gueti Pilzli kaufe

und mit e bizzeli Glück,

triffsch dörte au der Walti Flück.

D’Michelle, damit si di nit störi,

parkiersch am Beschte bim Guido Fleury.

Latinisch lehre dini Kinder,

ohni Problem bim Kurtli Minder.

S’Esthi und d’Ruth findes phantastisch,

wenn Du denn mit dine Ohre gwagglisch.

Und d’Manuela fallt in Extase,

wenn Du Di kratzisch an dr Nase.

Denn dörfsch dr Moler Claus begriesse

und syni TK-Brichtli gniesse.

Hygrophani Pilzli, s’isch dr Wahn,

zeigt Dir denn dr Grun Stephan!

Bim Kurt, dä mit wyssem Schnauz und Bart,

lersch d’Uffgobe vo mene Hüttewart

Und dank dr Schrybkunscht vom Willy Ruess

Schiggsch dr Clinton e schöne Gruess.

Isch es Dir denne Sturm wäge däne vyle Lütli

Kocht’s Hedi Dir e Tee mit Krütli.

Vom Fränzi bekunsch du arme Tropf,

zum z’Vieri no a Mohrekopf!

Am Schluss gyts vom Schorsch als Dangg

No e lustigge Schnitzelbangg

Bevor ych Di due haime bringe,

duet Corinne Dir es Liedli singe,

Und sinn mir denne zruck vom schöne Schwyzerland,

isch Wysse Huus fescht in minere Hand!

13. Dezember 2016 / Franz Olloz