Im Franz sini Värs

Chlausenhock 2016

Vor em Bestimmigobe stöhn unsri Fraue Schlange,

Wär wänn die denn jetzde ächtscht empfange??

Isch es ächtsch a so ne dumme Schnöri?

A nai, es kunnt jo jetzt dr Guido Fleury!

55 Pilz sötte myr hütte bestimme,

Vor luter Täller weiss ych d’Pilznäme nymme

Und wenn si denn ändlig d’Näme ufflöse,

Bin ych scho längstens friedlich am Döse

Dr Ruedi Lanz vo Basel isch verlore gange!

In dr ganze Schwyz het me Plakat usghange

In Basel suecht me ihn in jedem Käller,

derby liegt er z’Laufe uff eme Bestimmungställer!!

Im Laufetal wärde d’Pilz jetzt erschte moll,

von ere Frau kontrolliert, Sie das isch nit toll,

Denn Pilzmischgrycht, das muess ab jetzt vergässe,

Dörfsch sythär nur no Frauentäubling ässe!

Es git e neui, tolli Pilzapp, Sie de gfallt mer!

Kasch vyli Pilz bestimme und au s’Alter!

Gyt me y: Huet isch orange und dass är glänzi,

erschyne nur Bilder vom Moler Fränzi!

Zusatz:

…. Und isch dr Huet gäl und hygrophan,

erschyne Bilder vom Grun Stephan!!

Letzti bim FCB Match im Joggeli,

Han ych zum Frauesektor gluegt - ych Totteli,

Denn zmits inne sitzt dert au d’Frau Oeri,

und dernäbe ungeniert dr Guido Fleury!

Frau Oeri will nach em Match au so ne App ha,

Damit si d’Pilznäme besser kenne lehre ka!

Bym Dureluege gseht si dä Tintling mit de vyle Falte

und dänggt sich: «Genau wie bym mim Alte!

Sie, ych due jetzte no die latinische Näme lehre,

Denn eso kann ych mi Wüsse no vermehre!

Fränzi Moler heisst denne francesca pictoriaus,

und dernäbe gäbis no d’Varietät Claus!

13. Dezember 2016 / Franz Olloz